3 fersk sumarsalöt

Hvað er betra en litríkt og nærandi salat á sólríkum degi?

Ég elska að skella saman fersku salati með góðri dressingu, hvort sem það meðlæti með grillmatnum, léttur hádegisverður eða þegar mig langar bara í eitthvað hollt og gott. Hér eru mín uppáhalds sumarsalöt, einföld, litríkt og fullkomin fyrir heita daga.

–

–

Lestu einnig:
Sumarleg jógúrtskál með blárri spirulínu
Ferskju- og engifersdrykkur
Pitaya sumarskál full af orku
–

–

Salat með jarðarberjadressingu

Fersk jarðarber og steinselja gera þetta salat sumarlegt, jarðarberjadressingin gefur fallegan lit og skemmtilegt bragð.

Salatið

2 handfylli spínat eða grænt salat

1 rauðlaukur

veglegt handfylli af íslenskum jarðarberjum

2 smáar gúrkur

fersk steinselja

nokkrar valhnetur, muldar

–
Jarðarberjadressing

1 bolli íslensk jarðarber

1 límóna, kreist

1⁄2 tsk salt

1/4 bolli olífuolía

1 tsk kókospálmanektar/hlynsíróp
–

1. Setjið öll hráefni í jarðarberjadressingu í blandara og vinnið örlítið, dressingin er best þegar hún er pínu kekkjót. Smakkið til með salti eða sætugjafa eftir smekk.

2. Skerið rauðlauk, gúrku og jarðaber og setjið í skál ásamt salatblöðum. Velltið uppúr helming dressingar og skreytið með steinselju og valhnetum. Berið fram með afgangs dressingu og njótið. Algjör sumarsæla.

–

–

–

Avókadó salat með truflaðri tahinidressingu

Einfalt og bragðgott sumarsalat. Ég fegra salatið með radísum og íslenskum þara!

Salatið

handfylli græn salatblöð að eigin vali

1 avókadó

4-6 radísur

1⁄2 nori örk (sushi blöð)

handfylli þari

handfylli graskersfræ

–
Tahini dressing

1⁄4 bolli tahini

1 tsk eplaedik

1⁄4 bolli vatn

1 tsk sítrónusafi

1 tsk miso
(Hægt er að nota 1 tsk meira af tahini í stað miso. Miso-ið gefur þó góða viðbót í dressinguna)
–

1. Setjið öll hráefni í tahinidressingu í blandara og vinnið þar til silkimjúkt. Ég geymi gjarnan dressinguna í sprautubrúsa í kæli og nota á salöt, grænmeti eða á hrökkex frá Mama’s gone crackers (fæst í Nettó).

2. Skerið radísur í þunnar sneiðar og avókadó í ferninga. Skerið nori örkina eða rífið.

3. Veljið fallegan disk fyrir salatið og setjið 1-2 tsk af miso tahini dressingu þar ofaná. Raðið salatblöðum yfir, avókadó, radísum, rifinni nori örk, þara og graskersfræjum. Bætið við dropa hér og þar af tahinidressingu. Njótið og notið sem forrétt, meðlæti eða léttan hádegisverð.
–

Lestu einnig:
Ferskir sumarkokteilar
Hinn fullkomni partýplatti
“Sú ferska” – Samloka með kjúklingabaunasallati og spírum
–

–

Mangó salat með dill-vínegrett

Mangó og dill er æðisleg samsetning í sumarsalöt.

Salatið

2 handfylli ljósgræn salatblöð

1 þroskað mangó

2 kirsuberjatómatar

1 smágúrka, skorin

1 lítill vorlaukur

4-6 íslensk jarðarber

–
Dill-vínegrett

handfylli ferskt dill

1 límóna kreist

2 tsk olífuolía

1 tsk sætt sinnep

salt eftir smekk
–

1. Skerið dill smátt og vinnið í blandara ásamt rest af hráefnum. Bætið við salti og pipar fyrir sterkara bragð.

2. Skerið mangó, kirsuberjatómata, vorlauk, gúrku og jarðarber. Veltið salatlaufum uppúr helming dressingar og leggið í skál. Bætið restinni af hráefnunum við og berið fram. Gaman er að fegra með spírum og radisíum.

Mér þykir mangósalatið gott með hvaða grillmat sem er en öll salötin hér hafa verið í sérstöku uppáhaldi hjá mér. Sniðugt er að breyta til með dressingarnar, eftir því hvað til er í ísskápnum t.d.

–
Njótið elsku vinir, eigið litríkt og ferskt sumar og munið að deila með vinum á samfélagsmiðlum og tagga okkur á Instagram!

Lestu einnig:
Grænmetis- grillveisla í sumar!
Sumarskál sem skorar
Ferskir sumarkokteilar

–

Taktu heilsuna lengra með ókeypis net-fyrirlestri

Vegna tækni truflanna á síðasta fyrirlestri höfum við bætt við fleiri dagsetningum á ókeypis net-fyrirelsturinn “Vellíðan í eigin skinni”. Þar deili ég 5 einföldum og sannreyndum skrefum sem hjálpuðu mér að: Losna við orkuleysi og bjúg, léttast á náttúrulegan hátt og finna jafnvægi með mataræðið. 
Ef þú þreytt á endalausum öfgum og skyndilausnum, þá er þessi fyrirlestur fyrir þig. 
Engin upptaka verður send, tryggðu þér þitt pláss í dag 👉 Smelltu hér til að skrá þig!