Ferskir sumarkokteilar – Velkomin á lifðutilfulls.is
Sumarsalat með jarðaberjadressingu
16th júlí 2019
Losnaðu við bólgur og hægðatregðu með réttum gerlum!
6th ágúst 2019
Show all

Ferskir sumarkokteilar

Deildu á facebook

Í dag deili ég með þér frískandi vítamínbombum í formi sumarkokteila (of gott til að vera satt er það ekki?)

Það er fátt betra á sólríkum sumardegi en að setjast út í sólina með ískaldan kokteil og njóta stundarinnar. 

Þessir kokteilar sem ég deili með þér eru…

  • Næringarríkir
  • Svalandi
  • Fullkomnar blöndur af sætu og súru
  • Fallegir og skemmtilegir til að deila með vin/vinkonu

Sítrus margarítan inniheldur sólhatt sem er sýklaeyðandi, styrkir ónæmiskerfið og er sagður bæta meltinguna. Auk þess inniheldur hann sítrónu og appelsínur sem eru c-vítamínsprengjur og eitt það besta sem maður fær á sumrin.  

Epla- og engifer mojitoinn er vítamínbættur (og auðvitað áfengislaus) útgáfa af hinum hefðbundna mojito, með engifer sem dregur úr bólgum og bætir meltinguna og grænkáli sem er eitt það hollasta sem við gefum líkamanum. 

Mynta er talin geta unnið gegn iðruólgu eða IBS (meltingarkvilli), sem ég glímdi einmitt sjálf við um tíma. 

– 

Sítrus margaríta

3 appelsínur (notið kjötið úr 1 appelsínu samhliða)
1 sítróna
lúka af ferskri myntu
30 dropar sólhattur (t.d frá A.vogel, fæst í Heilsuhúsinu)

Skreytt með: chilliflögum, límónusneiðum og myntu. 

Setjið allt í safapressu, skreytið svo drykkinn.

Ráð: Ef þið eigið ekki safapressu er hægt að kreista sítrónurnar, fjarlægja steinana og blanda svo rest samanvið. Einnig má nota hreinan appelsínusafa t.d appelsínusafi frá Biona sem fæst m.a. í Nettó í glerkrukku (eða Trópí).

 

Epla- og engifer mojito

2 lúkur grænkál
1 gúrka
2 lífræn epli
1-2 cm lífræn engiferót
2 límónur
1 lúka fersk mynta
1/2 bolli léttkolsýrt sódavatn

Skreytt með: myntublöðum og límónusneiðum.

Setjið ávexti og grænmeti í safapressu, bætið sódavatni útí, skreytið svo drykkinn með myntu og límónusneiðum.

Þessir dásamlegu kokteilar bragðast best í háu spariglasi. 

Ef þið prófið kokteilana megið þið endilega smella mynd og deila með mér á samfélagsmiðlum! Ég elska að sjá myndir frá ykkur af uppskriftunum mínum og ykkar útfærslum. 

Viltu taka heilsumálin í gegn í ágúst?

Ég ætla að halda ókeypis fyrirlestur miðvikudaginn 14.ágúst sem þið lesendur fáið forskot á! Á fyrirlestrinum mun ég gefa dúndurgóða uppskrift og ráð sem koma þér rækilega af stað með meiri orku og færri sumarkíló.

Komdu yfir á facebook til að segja mér frá þinni spurningu eða viðfangsefni sem þú vilt helst fá svar við!

Njóttu þín svo í sumar með hugarró yfir því að ég muni sjá um þig í ágúst 😉

Heilsa og hamingja, 



 

2 Comments

  1. Eyja Jóhannesdóttir skrifar:

    Langaði bara að spurja hvort hægt sé að gera þennan drykk án þess að eiga safapressu?? Er ekki í lagi að setja þetta allt saman í blandara?

    • Sæl Eyja,

      já þú getur gert það 🙂 Þá væri samt sniðugt að sigta hratið frá þegar þú hefur blandað þessu öllu saman. Í mojito uppskriftinni mælum við einnig með að blanda öllum hráefnunum saman, nema kolsýrða vatninu, sigta hratið frá og bæta svo kolsýrða vatninu við í lokin 🙂

      Njóttu vel!

Skildu eftir svar

Netfang þitt verður ekki birt. Nauðsynlegir reitir eru merktir *