Nú þegar haustið læðist að og bláberin fylla móana er tilvalið að búa til eitthvað einfalt, nærandi og ljúffengt úr afrakstri náttúrunnar. Þessi bláberjapæ með hnetubotni er fullkomin núna í haust, hún er falleg á borði, orkurík og án alls viðbætt sykurs.

–

–

Uppskriftin kemur frá Þórdísi sem heldur úti blogginu og Instagraminu Grænkerar en þar deilir hún einföldum, plöntumiðuðum réttum sem höfða jafnt til líkama og sálar. Eins og Þórdís segir sjálf: “Pæið er silkimjúkt, sætt og meinhollt. Hráfæðis eftirréttur sem bragðast vel beint út frystinum og hentar í öll tilefni.”

Þórdís hefur tekið þátt í 3 daga hráfæðis hreinsuninni okkar og fann strax mun. Hún upplifði meiri orku, léttari líkama og minni bjúg. Þú getur lesið reynslusöguna hennar hér.
–

Lesa einnig:
Svona lítur hreinsunardagurinn minn út
Kraftur þarmaflórunnar: Leiðin að betri heilsu
Reynslusaga Þórdísar frá 3 daga hráfæðishreinsun

—

–

Bláberja pæ með hnetubotni

Botn:
150 gr valhnetur
150 gr döðlur
1/2 tsk vanilluduft
Smá sjávarsalt

Fylling:
150 gr kasjúhnetur (lagðar í bleyti í minnst 2 klst)
150 gr frosin bláber
1/2 dl hlynsýróp
1/2 dl kókosolía (brædd)
Safi úr 1/2 sítrónu
1 tsk vanilluduft

–

1. Maukaðu öll hráefni í botninn í matvinnsluvél þar til úr verður þétt blanda. Þrýstu í bökunarform.

2. Blandaðu öllum hráefnum í fyllinguna í kraftmiklum blandara þar til silkimjúkt.

3. Helltu fyllingunni yfir botninn, sléttaðu úr og settu í frysti í minnst 2 klst.

4. Taktu úr frysti 10–15 mínútum áður en borið er fram.

—

Ef þér líkaði þessi færsla, endilega deildu henni með vinkonu eða öðrum sem þú heldur að muni gagnast af.

Mundu svo að tagga okkur á Instagram @lifdutilfulls – við elskum að sjá ykkar útfærslur!