Hvað er betra en heit brownie súkkulaðikaka sem er fullkomlega mjúk í miðju og örlítið stökk að utan…toppuð með uppáhalds vanillu ísnum þínum og ferskum jarðaberjum ?

Þessi uppskrift er öðruvísi en hefðbundin brownie þar sem allt er sett í pönnu og eldað á hellunni á innan við 10 mín…hversu einfalt?!

Uppskriftin er án hvíts sykurs, hveitis, glúteins og mjólkurafurða. Fyrir þá sem eru vegan er auðvelt að skipta út egginu fyrir hörfræ eggi, sjá athugasemdir.

–

–
Súkkulaði brownie á pönnu

1 bolli eða 25 gr malað haframjöl

25 gr 70% lífrænt súkkulaði

1 egg

50 ml jurtamjólk að eigin vali t.d kókosmjólk eða möndlumjólk

1 msk eða 20 gr möndlu- eða hnetusmjör 

35 gr kókossykur 

½ tsk vínsteinslyftiduft 

¼ tsk gæða salt 

1 msk kókosolía, fyrir pönnuna 

Ofaná: saxað súkkulaði eða súkkulaðibitar og handfylli af valhnetum, smátt saxað

–
1. Setjið allt í blandara nema kókosolíu, súkkulaðibita og valhneturnar.

2. Blandið helmingin  af súkkulaðibitunum og valhnetunum saman við og geymið rest til að skreyta kökuna þegar hún hefur verið elduð.

3. Hitið olíu á pönnu. Setjið alla blönduna út í og ​​eldið í 6 mínútur við lágan hita, setjið lok á, slökkvið og látið standa í 2 mínútur með loki.

4. Kveikjið aftur undir með meðalhita í 5 mínútur eða skemur – allt eftir því hvernig þér finnst best að borða brownie (annaðhvort smá blaut í miðjunni eða fullbökuð).
–

Lesa einnig:
Svartbauna brownie úr sykuráskorun!
Ekta súkkulaði brownie úr bókinni
Súkkulaði brownies með möndlusmjörkremi og poppuðu kínóa
–

Athugasemdir:

Einnig er hægt að elda þessa brownie í ofni ef þess er kosið í eldföstu móti, munið að smyrja mótið áður en deigið fer í. Eldið við 180 gráður í c.a 22-30 mín, tímalengd fer eftir hversu fulleldað þú vilt að kakan sé.Skiptið út egginu fyrir 1 hörfræ eggi fyrir vegan valkost með því að blanda saman 1 msk af möluðum hörfræjum samanvið 3 msk af sjóðandi vatni. Leyfið að standa í 5-10 mín áður en þið notið.

—

Ekki gleyma að deila þessari ljúffengu uppskrift með vinkonu eða öðrum sem þú heldur að muni gagnast.

Taggaðu lifdutilfulls á instagram með þína útfærslu ef þú gerir. Við elskum að sjá!

Fyrir fleiri uppskriftir og ráð að hollum lífstíll vertu viss um að fyglja okkur á Facebook og Instagram.