Það má aldeilis segja að ég hafi meistarað acai-berjaskálagerð þegar maðurinn minn missir sig yfir hverju hann hefur verið að missa af síðustu árin.

Þetta var aldeilis raunin síðasta sunnudag þegar ég gladdi hann í hádeginu með svona skál.  En þetta var nú afmælishelgin hans svo kallinn átti það skilið. 

Ég gerði skálina öðruvísi en ég geri mína og notaði ég allar uppáhalds fæðutegundirnar hans – hnetusmjör, jarðaber, banana og jú hunang því hann er svo sætur þessi elska. Sleppið hunanginu ef þið viljið eða ykkur finnst ekki þurfa.

–
Uppáhalds Acai skál eiginmannsins

2-4 msk chia fræ lögð í bleyti

¼ bolli kókosmjólk og meira eftir þörfum

1 pakki acai (eða notið frosin skógarber)

¼ bolli jarðaber frosin

½-1 banani frosinn

1 msk hunang

1 skammtur af vegan próteini frá Vivolife með vanillu (fæst hér)

1 skammtur Feel Iceland collagen duft (sjá hér)

1 tsk hnetusmjör (notið möndlusmjör í staðinn ef þið viljið)

1. Hrærið öllu saman í kröftugum blandara t.d Vitamix eða Nutribullet.

1. Bætið við meiri kókosmjólk hægt og bítandi eftir þörfum.

Ath:

Ég keypti acai frosið í Hagkaup, það er óljóst hversu lengi birgðir endast hérlendis en þá má alltaf nota frosin ber í staðinn.

Ég vona að þið prófið, deilið og njótið!

Láttu vita hvernig smakkast í spjallið að neðan!

Ef þér líkaði greinin smelltu á like, deildu á Facebook og taggaðu mig á instagram ef þú prófar að útbúa svona skál, ég elska að sjá ykkar útgáfur af uppskriftum mínum :).

Heilsa og hamingja,