–

Færð þú stundum óhemjandi löngun í sykur?

Ég hef alltaf verið mikið fyrir sætindi. Hér áður fyrr þurfti ég nánast undantekningarlaust að fá mér einn súkkulaðimola, stundum tvo, eftir kvöldmat.
Þegar sætindaþráin lætur finna fyrir sér veit ég að ég þarf að fara aftur í litlu trixin mín 7 sem redda sykurlönguninni nær samstundis, á mun hollari hátt heldur en að grípa í nammið!

Sykur kveikir á ákveðnu streituhormóni sem veldur kviðfitu og þyngdaraugningu. Einnig getur sykur ollið síþreytu, mígreni, einbeitingaskorti, bjúgsöfnun, baugum og almennri vanlíðan. Öll höfum við gott af því að minnka sykurinn og vona ég að trixin mín 7 komi sér vel!

Prófaðu þessi ráð gegn sykurpúkanum…

7 einfaldir hlutir sem slá á sykurlöngun

Fáðu þér eina matskeið af kókosolíu

Kókosolían er frábær fyrir meltinguna,  heilastarfsemi og hjálpar að slá á sykurlöngun. Fitan í henni er einstök þar sem hún inniheldur mestmegnis miðlungs fitusýruhlekki, eða MCT, sem veitir góða seddu nær samstundis sem þar af leiðandi hjálpar gegn sætindaþörf. Mér finnst skipta máli að velja hágæða kókosolíu uppá bæði bragð og næringu.

Prófaðu að fá  þér eina matskeið af kókosolíu þegar sykurlöngunin kallar.

–

Bættu við sætleika náttúrunnar

Það eru fullt af öðrum valkostum en sykur þegar manni langar í eithvað sætt og margir þeirra eru alveg frábærir kostir fyrir heilsuna! Lífrænt dökkt kakó er ein andoxunaríkasta fæða í heiminum. Chai te, kanil, vanilluduft, kókosolía eða lakkrísrót eru æðislegar leiðir til að bæta við meiri sætleika í lífið án þess að nota sykur eða frúktósa.

Bættu sætum kryddum náttúrunnar við í daginn þinn.

Skiptu út sykri fyrir fitu

Skortur á fitu getur verið ástæða sykurlöngunar hjá þér. Holl fita gefur seddu sem og jafnar blóðsykur. Avókadó og kókosolía eru frábærir fituforðar og mjög gjarnan notaðir í uppskriftum hjá mér. Aðrar hollar fitur eru t.d. hörfræolía, omega-3 úr fiski eða jurtaríkinu, möndlusmjör,  tahini (sesammauk) og kaldpressuð olífuolía.

Bættu við hollri fitu í hverja máltíð dagsins.

Borðaðu meira grænt

Grænt salat eins og grænkál, klettasalat, spínat eða lambhagasalat eru æðisleg fæða gegn sykurlöngun þar sem beiska bragðið sem það gefur hjálpar að endurstilla bragðlaukana og venja þannig líkamann af sykri. Ekki sakar að grænt salat gefur orku og dregur fram þennan náttúrulega ljóma!

Fáðu þér lúku af grænu salati í búst drykkinn eða á matardiskinn.

Bættu við magnesíum

Skortur á magnesíum getur leitt til þess að við sækjum í sykurinn. Ef þú ert oft undir miklu álagi og streitu eða stundar mikla líkamsrækt getur það bent til að líkaminn þurfi magnesíum. Magnesíum má finna í  fæðutegundum eins og dökku kakói, kakónibbum, kasjúhnetum, klettasalati, grænkáli, tahini (sesammauk).

Borðaðu magnesíumríka fæðu.

Drekktu stórt vatnsglas

Oft getur sykurlöngun stafað af vatnsskorti. Vatn hefur það hlutverk að færa næringarefni milli frumna, flytja úrgang og styðja við almenna virkni líkamans. Bættu sítrónu- eða límónusafa, myntu eða ferskum ávöxtum útí vatnið til tilbreytingar.

Fáðu þér stórt glas af vatni næst þegar sykurlöngun kemur upp.

Sofðu meira

Skortur á svefni er algeng ástæða fyrir sykurlöngun. Vertu viss um að sofa 7-8 tíma á nóttu og sinna góðri kvöldrútínu sem hjálpar þér að sofna stuttu eftir að þú leggst á koddann.

Sofðu klukkutíma lengur.

Gerðu 2020 að þínu heilsuári!

Er ekki um að gera að taka nýja árið með trompi og efla heilsuna árið 2020? Komdu og vertu með okkur á ókeypis net-fyrirlestri sem ég er að halda 21. janúar kl 20:00. Þar læriru 3 skref til að koma þér af stað með vellíðan, orku og ánægjulegu þyngdartapi! Á þessum einstaka fyrirlestri mun ég svara spurningum í beinni, gefa sykurpróf sem tekur stöðuna á heilsu þinni og gefa eina æðislega uppskrift gegn sykurlöngun!

Ath: Það fer að fyllast á fyrirlesturinn, aðeins örfá pláss laus!

Ég vonast til að sjá þig á fyrirlestrinum og endilega deildu á Facebook ef greinin vakti áhuga þinn!