Sjokkerandi sannleikur um megrunarkúrinn

Hefurðu hugsað þér að byrja á megrunarkúr? Hvort sem það er Ketó, LKL eða föstur…

Ég veit að þessir þessir kúrar getað verið freistandi og auðvelt að falla í þá gildru að hugsa með sér; „Æjji ég tek mig bara á í mánuð með þessum nýja kúr og þá mun ég vera orðin fit og flott og ná að halda mér þannig“

En er það virkilega það sem gerist?

Eru kúrar og strangur agi það sem virkar til lengri tíma?

Ég er á öðru máli og það sem ég deili með þér í dag er eitthvað sem hjálpaði mér að hætta að falla í gildrur megrunarkúra og sjá í staðinn árangur sem endist.

Ég vona að þessi grein muni hjálpa þér að öðlast breytt hugarfar, sem er það sem til þarf til að öðlast varanlegt þyngdartap og allsherjar vellíðan.

Sannleikurinn um megrunarkúrinn

Rannsóknir sýna að 77% þeirra sem hefja megrunarkúr þyngjast aftur og allt að 66% þeirra sem fara í megrunarkúr enda á að bæta á sig fleiri kílóum en þau höfðu áður en þau byrjuðu á kúrnum.

Nokkrar langtíma rannsóknir hafa sýnt fram á að konur sem fara á megrunarkúr á unglingsárum, eða snemma á fullorðinsárum, eru þrisvar sinnum líklegri til þess að eiga við offituvandamál að stríða seinna á lífsleiðinni, jafnvel þær sem voru í eðlilegri líkamsþyngd sem börn og unglingar (þetta kemur fram í TED fyrirlestrinum hennar Sandra Aamodt, sem er taugafræðingur og rithöfundur).

Megrunarkúrar eru því vægast sagt mjög óáreiðanlegir. 

“Og í raun því oftar sem þú ferð í megrunarkúr, því meiri fitusöfnun verður hverju sinni.”

Þetta verður meira áberandi eftir því sem við eldumst, því brennsla hægist um 5% með hverjum áratug.

Af hverju virka megrunarkúrar ekki?

Þú ert kannski að velta fyrir þér af hverju kúrinn veldur þyngdaraukningu?

Þú kannast líka mögulega við að hafa prófað kúr og gefist svo upp á honum fljótlega? 

Þegar við neitum okkur um mat til lengri tíma ógnum við undirstúkunni (Hypothalamus) í heilanum, en það er sá hluti heilans sem heldur reglu á líkamsþyngdinni, stjórnar efnaskiptum, hormónum og hungurtilfinningu. 

Þegar við erum í ástandi þar sem orka er af skornum skammti, líkt og í megrun, sendir undirstúkan þau fyrirmæli að við þurfum meiri orku og nauðsynlegt sé að hægja á brennslunni. Okkur langar því í ennþá meiri mat þegar við erum að neita okkur um hann og fljótlega springum við og borðum yfir okkur. Fyrir áhugasama má lesa meira um þetta hér og hér.

Það er nefnilega þannig að líkaminn okkar vill halda þyngdinni í jafnvægi. Hann berst á móti öllum öfgum og er alls ekki gerður til þess að þola löng tímabil sveltis. 

Hvað getum við gert í staðinn?

Besta lausnin sem ég hef fundið er fólgin í því að læra að hlusta á raunþörf líkamans og finna mataræði sem hentar þínum einstaka líkama, með skref-fyrir-skref lífsstílsbreytingu.

Það getur vissulega tekið tíma að læra inn á hvers líkaminn þarfnast, en útkoman er langtíma breyting og langtíma þyngdartap.

Fyrir 10 árum síðan ákvað ég að allt sem ég myndi kenna og hjálpa öðrum konum að gera, varð ég að prófa á sjálfri mér fyrst.

Ótrúlegt en satt að þá prófaði ég nær alla þessa megrunarkúra.

Ég komst að því að á annan bóginn virkuðu þeir allir að vissu leyti, en á hinn bóginn gerðu þeir það ekki. Það sem ég lærði af þessari reynslu var að ég þurfti að hlusta á líkamann, læra inn á mataræði sem virkaði fyrir MIG og skapa mér lífsstíl sem ég yrði sátt með til frambúðar. 

Útkoman varð sú að ég hef losnað við aukakílóin, ég borða það sem mig lystir og það besta af öllu er að ég finn fyrir frelsi og vellíðan með þessum breytta lífsstíl.

Lítil skref eru lykilatriði ef þú vilt ná að halda út breytingu, ekki umturna öllu yfir nóttu! 

Ef megrunarkúrinn væri svona frábær, værum við þá ekki öll grönn og fit? Af hverju endurtökum við alltaf sömu mistökin og búumst samt við annarri útkomu?

Ný nálgun og lífsstíll sem endist!

Það styttist í að við opnum dyrnar í Nýtt líf og Ný þú þjálfun, nú í níunda sinn. Þjálfun sérsniðin konum sem vilja kveðja megrunarkúrinn fyrir fullt og allt og í staðinn öðlast ánægjulegt þyngdartap, orku og vellíðan og vera sátt með varanlegum lífsstíl.

Engar áhyggjur ef þú ert alveg týnd og veist ekkert hvar á að byrja í breyttu mataræði eða lífsstíl eða hvar ætti að byrja þegar kemur að því að fara vinna upp góða heilsu – Í Nýtt líf og Ný þú þjálfun hef ég hreinlega unnið alla vinnuna og skipulagið fyrir þig, sem þú getur einfaldlega fylgt eftir!  

Hér má sjá nokkrar árangurssögur frá konum sem ákváðu að loks kveðja megrunarkúrinn og skapa sér breyttan lífsstíl með Nýtt líf og Ný þú þjálfun okkar.

Sólveig Hauksdóttir var orðin leið á þyngdinni, búin að hamast í líkamsrækt og prófa allt mögulegt án árangurs, þegar hún ákvað að nú væri kominn tími til þess að taka hausinn í gegn og hún skráði sig í Nýtt líf og Ný þú þjálfun. Hún sér ekki eftir því, enda léttist hún um 7,5 kíló á tæplega mánuði og sefur nú betur, blóðþrýstingurinn lækkaði, húðin er sléttari og mýkri og líðanin miklu betri.

Guðný Hallgrímsdóttir hafði verið allt of þung frá unglingsaldri og var búin að leita margra leiða til að ná af sér kílóum og verða hraustari og heilbrigðari. Hún hefur farið í ýmis átök sem entust stutt, mætti í ræktina í 2 og 1/2 ár án þess að léttast að ráði og þau örfáu kíló sem fóru, komu alltaf aftur. Hún hugsaði með sér: „Ætla ég virkilega að lifa lífinu svona“? Það vildi Guðný ekki og hún skráði sig í Nýtt líf og Ný þú þjálfun og þar fann hún lífsstíl sem hún finnur að mun endast henni til frambúðar. Guðný missti 10 kíló, losnaði við verki í hnjám, borðar nú fjölbreyttari mat en hún hefur nokkru sinni gert og finnst hún nú loksins vita um hvað heilbrigður lífsstíll snýst.

Sóley Rut var algjörlega búin að gefast upp á sjálfri sér, svaf illa, var alltaf verkjuð og ekkert sem hún prófaði virtist virka. Þegar hún skráði sig í Nýtt líf og Ný þú þjálfun öðlaðist hún í fyrsta skipti á ævinni heilbrigt samband við mat og finnst eins og þungu fargi hafi verið af henni létt. Henni líður í alla staði miklu betur og sefur nú eins og engill!

Smelltu hér til að koma á forgangslistann og sjá meira um árangur nokkurra þeirra hundruða kvenna sem lokið hafa þjálfun.

En mig langar að heyra frá þér!

Tengir þú við greinina, hefurðu farið í megrun áður sem þú gafst upp á? Finnst þér erfitt að léttast sama hvað þú reynir?

Skrifaðu mér í spjallið að neðan og köfum dýpra.

Ef greinin vakti áhuga smelltu á like og deildu á Facebook með vinkonu sem gæti haft gagn af!