–

Hér fyrir neðan er mjög einföld og braðgóð uppskrift af næringaríkum mat sem hægt er að skella í á örskömmum tíma.

Sætar kartöflur innihalda mikið af trefjum og nær enga fitu. Þær stuðla einnig að þyngdartapi, sökum þess að þær innihalda fáar hitaeiningar. Þrátt fyrir nafnið innihalda þær lítið af sterkju sem stuðlar að jafnari blóðsykri og eru því sérlega góðar fyrir alla þá sem glíma við blóðsykursvandamál, sem dæmi sykursýki.

–

Lesa einnig:

Vegan lasagna úr 5 hráefnum

Grillaður þorskur með granateplasalsa og hvítlaukssósu

Vegan burger með “kokteilsósu” og sætkartöflufrönskum

—

–

Fyllt sæt kartafla með spínati og hvítlaukssósu

1 sæt kartafla dugar fyrir 2

Fylling:

1/2 tsk kókosolía

1 stór rauður laukur, gróflega saxaður

2-3 hvítlauksgeirar, fínlega saxaðir

1 bolli kjúklingabaunir

tvö handfylli spínat

pipar og salt eftir smekk

–

Hvítlauksósa:

1/2 bolli tahini

1/2 bolli vatn

1 hvítlauksgeiri, pressaður

1 sítróna kreist

1/2 tsk paprikukrydd (val)

salt eftir smekk

–

—

Aðferð:

Hitið ofninn í 200°C eða útigrill. Skerið sætu kartöfluna til helminga. Setjið á ofnplötu og penslið yfir með olíu eða vefjið í álpappír og setjið á útigrill. Eldið í 25-30 mín eða þar til hægt er að stinga gafli inn í kartöfluna.

Setjið öll innihaldsefni í dressingu í blandara og hrærið.  Útbúið því næst fyllingu með því að hita pönnu með örlítið af kókosolíu og snöggsteikja lauk, hvítlauk, kjúklingabaunir, spínat og krydda með salti og pipar. Steikið í um 5-7 mínútur. Skerið sætkatöflubáta langsum og þversum og þrýstið á til að opna, bætið við spínatfyllingu og dreifið hvítlauksósu veglega yfir.

–

Láttu vita í spjallið að neðan hvernig smakkast og ekki gleyma að deila með færslunni á Facebook