Bestu vítamínin eftir fertugt

Vítamín spila lykilhlutverk í að jafna orku, matarlanganir og sykurlöngun líkamans.

Eftir því sem árin líða verður sífellt mikilvægara að hugsa um breytingar á næringu m.a. vegna breytinga á hormónum.

Hér ætla ég að fara yfir bestu vítamínin fyrir konur eftir fertugt.
—-

—-

B12

Eftir fertugsaldur og sérstaklega eftir fimmtugsaldurinn er æskilegt að taka inn B12 vítamín, þar sem upptaka líkamans á B12 vítamínum fer versandi með árunum.  B12 vítamín spilar lykilhlutverk í orku, eðlilegri blóðrás og heilastarfsemi. Afleiðingar af B12 vítamín skorti getur meðal annars verið hárlos, minnisleysi og aukin stresseinkenni.

B12 vítamín er finna í dýraafurðum eins og kjúkling, egg og fisk.

Fyrir bestu upptöku á B12 vítamíni er gott að taka það inn með mat og í fljótandi eða uppleysanlegu formi eins t.d. með sprey eða freyðitöflu.

—-

—–
Magnesíum

Eitt af því sem magnesíum gerir fyrir okkur er að jafna blóþrýstinginn, sem er sérstaklega mikilvægt fyrir konur yfir fertugt þar sem þær eru í áhættuhópi fyrir of háan blóðþrýsting. Ef þú upplifir mikið af bólgum eða streitu getur magnesíum einnig verið frábært bætiefni, þar sem magnesíum kemur á jafnvægi og hjálpar að stjóra streituhormónum. Magnesíum styður einnig við upptöku líkamans á kalsíum og spilar lykilhlutverk í heilbrigðri vöðva-tauga og hjartastarfsemi.

Það gæti komið þér á óvart að magnesíum finnst í grænu laufgrænmeti, baunum, hnetum, fræum og avókadó til dæmis.

Ráðlagður dagsskammtur eftir fertugt er 320 mg. Magnesíum fæst í töflu eða duft formi. Eitt besta magnesíum sem ég veit um er frá Dr. Mercola og tek ég það samhliða slökunardufti á kvöldin.

Hlustið á líkamann eftir magnesíumþörf eða leitið til læknis fyrir ráðleggingar þar sem ofneysla getur orsakað ógleði, niðurgang og krampa.

Lesa einnig:

Bestu vítamínin eftir fertugt (síðari hluti)
Lax með ristuðum kókosflögum, kartöflum og aspas
Túrmerik hummus með steinseljusalati

—-

—-

D-vítamín

D-vítamín er lífsnauðsynlegt og spilar lykilhlutverk í upptöku á öðrum næringarefnum. D-vítamín hefur áhrif á ónæmiskerfi, blóð-æða-vöðva-og taugakerfi og talið sporna fyrir ýmsum aldurstengdum heilsukvillum eins og sykursýki og hjartasjúkdómum.

D-vítamín er í fáum fæðutegundum og helst þá í feitum fisk eins og síld, lax, silung, lúðu eða sardínum en það eru þær fæðutegundir sem innihalda mest af D-vítamíni. Algengt er að D-vítamín sé að auki viðbætt í lýsi og mjólkurafurðir.  
D-vítamín fæst í dropum eða töfluformi.

—-

Til að athuga vítamínstöðu líkamans er hægt að fara í blóðprufu hjá lækni, ég mæli með að gera það 1-2 ára fresti.

Ég er viss um að þú sitjir sjálf/ur á einhverjum hollráðum um hvað virkar fyrir þig og hvað hefur alls ekki virkað. Endilega deildu þeim í spjallið hér að neðan! 

Mundu svo að fylgja okkur á Facebook og Instagram.  fleiri uppskriftir og ráð.