Þegar ég kláraði nær 1 ½ kíló af kasjúhnetum á einu bretti

Ég er búin að vilja deila þessari sögu með þér núna í smá tíma.

Málið er að ekki fyrir svo löngu lá ég andvaka upp í rúmi, sem varð til þess að ég byrjaði að finna fyrir svengd.

Svo ég dröslaðist framúr til að fá mér eitthvað að borða

Ég var nýbúin að kaupa mér 1 1/2 kíló af uppáhalds hnetunum mínum, lífrænar kasjúhnetur frá allthitt efh (ohh, lífrænar hnetur eru þær bragðbestu). Ég setti þær efst í búrskápinn hjá mér svo að ég myndi þurfa að ná í tröppu til að nálgast þær.

Því á þessum tíma gat ég hakkað í mig margar lúkur af kasjúhnetum bara á meðan ég var að elda eða ef ég fór aðeins inní eldhús og mér leiddist.

Ég furðaði mig ekkert á þessari óbærilegu löngun minni í kasjúhnetur fyrr en þetta kvöld.

Því ég stóð þarna í náttsloppnum mínum kl 1 um nóttina að klifra upp á tröppur til að sækja kasjúhnetur og eftir nokkrar lúkur af kasjúhnetum fór ég aðeins að tengja betur við raunveruleikann og spurði sjálfan mig ”okei af hverju ert þú að sækjast svona í kasjúhnetur?”

Því ég veit að líkaminn kallar á það sem hann þarfnast!  

Ekki misskilja mig og taka þessu þannig að næst þegar þú færð löngun í Dominos Pizzu eða annan óhollan skyndibita að þú eigir bara að fylgja því eftir.

Það er mikil munur á löngun í skyndibita og æði fyrir hollustu fæðu og í mínu tilfelli kasjúhnetum.

En með því að hlusta á löngun þína getur þú komist að því að líkami þinn er að sækjast eftir einhverju.

Þetta getur verið einhver næring og vítamín sem skortir, þörf fyrir aukna ástúð eða meiri slökun og hvíld.

Í mínu tilfelli, þegar ég gáði betur að sá ég strax að kasjúhnetur eru sérlega ríkar af;

Magnesíum

Magnesíum er nauðsynlegt fyrir líkamann, 100 gr af kasjúhnetum inniheldur í kringum 73% af daglegri magnesíum þörf líkamans!

Magnesíum hjálpar við sendingu taugaboða og slökun vöðva. Það ásamt kalki hjálpar við vöðvaslökun sem aðstoðar við æðavíkkun og lækkun á blóðþrýstingi.
Þú þarft magnesíum til að sinna taugaboðum frá vöðvunum til heilans.

Svo þarna fann ég tengingu þess að ég náði ekki almennri slökun á kvöldin sem orsakaði andvaka nætur og að líkaminn kallaði á kasjúhnetur fyrir magnesíum og slökun!

Magesíum er nauðsynlegt fyrir upptöku kalks. Ef mataræðið okkar gefur okkur ekki næginlega mikið af magnesíum en við innbyrðum mikið af kalki þá getur það skapað ójafnvægi sem veldur samdráttum í vöðvum.

Skortur á magnesíum er einnig ein helsta orsök beinþynningar og of háum blóðþrýstingi.

Mígreni, vöðvakrampar, spenna, eymsli og þreyta eru einnig algeng einkenni af magnesíumskort í líkamanum.

Hérna er hvernig ég náði ákjósanlegu magni af magnesíum í líkaman minn og á sama tíma fékk ég eðlilega slökun og bætt svefnmunstur. Ég náði einnig að stöðva mína óbærilegu löngun og át af kasjúhnetum án þess að taka eftir því.

Það fyrsta sem ég gerði var að taka inn hreint magnesíum!

Ég tók inn Magnesíum ”slökun” í duftformi frá Mammaveitbest á kvöldin rétt fyrir svefn.

Það næsta sem ég gerði var að auka magnesíum ríka fæðu í mataræðinu mínu

Magnesíum ríkar fæðutegundir sem ég bætti við:

–  möndlur

–  klettasalat

–  avocadó

–  sesam fræ

–  kakóanibbur

–  brún hrísgrjón

–  bananar

–  alfalfa spírur

 

Hefur þú einhverntíman fengið löngun í hollustufæðu og borðað mikið af henni í ákveðin tíma? Og ef ekki hvaða hollustu fæða er í uppáhaldi hjá þér?

Segðu mér frá í spjallinu hér að neðan, mér finnst ofboðslega gaman að heyra frá þér!

Fannst þér saga mín gagnleg? Ef svo er líkaðu við og deildu þessum magnesíum ríku fæðutegundum með vinum þínum á facebook!

 

Áttu ánægjuleg magnesíum innkaup!

 

Heilsa og hamingja

Júlía heilsumarkþjálfi