5 ráð til að setja þér markmið sem þú nærð
Svona lítur hreinsunardagur út
7th January 2019
Himneskur Mangó Lassi drykkur
22nd January 2019
Show all

5 ráð til að setja þér markmið sem þú nærð

Deildu á facebook

DSC_1257

 

,,Ég set mér oft markmið en gefst svo uppá þeim, hvernig á ég að setja mér markmið sem ég næ?”

Þetta er áhugaverð spurning sem við fengum senda frá lesanda og mér fannst kjörið að nýta nýja árið í að svara henni enda eru heilsumarkmið eflaust mörgum ofarlega í huga núna. Í janúar fyllast oft líkamsræktarstöðvar af fólki með há markmið sem oft á tíðum fara sér of geyst og gefast fljótlega upp.

Að minnka sykurinn ætti að vera helsta markmið allra enda er sykur einn helsti heilsuspillir okkar tíma og veldur meðal annars þyngdaraukningu, liðverkjum og orkuleysi. Margar rannsóknir hafa sannað að hann sé næstum jafn ávanabindandi og kókaín! Ef slíkt hvetur ekki til að sleppa eða að minnsta kosti minnka sykurinn veit ég ekki hvað!

 

DSC_1260

 

Sykur er að minnsta kosti 14 daga að fara úr líkamanum og því er kjörið að hefja árið á því að losa líkamann alveg við hann í ókeypis sykurlausu áskoruninni.

Smelltu hér til að skrá þig til leiks í ókeypis 14 daga sykurlausa áskorun, við byrjum mánudaginn 28.janúar.

Ég lofa þér að uppskriftirnar í áskoruninni verða bragðgóðar og einfaldar. Þar að auki verð ég þér til halds og trausts í gegnum allt tímabilið.

,,Líður vel og ekkert mál að sleppa sykrinum!” — Sigrún Jónsdóttir

,,3 dagar liðnir og ég búin að missa 3 kg, er þetta eðlilegt segi ég nú bara!?” – Guðveig Hrólfsdóttir

 

DSC_1253

 

Hér koma síðan 5 ráð til þess að setja þér heilsumarkmið sem þú nærð

 

1. Skrifaðu markmiðin þín niður

Rannsóknir hafa ítrekað sýnt mátt þess að skrifa niður markmiðin. Hversu einfalt er þetta ráð!? Með því að skrifa markmiðin niður ert þú allt að 42-50% líklegri til að ná þeim. Fáðu þér fallega stílabók eða dagbók og njóttu þess að strika markmiðin út á nýju ári.

 

2. Settu þér mörg lítil og raunhæf markmið

Það á aldrei að hætta að dreyma og auðvitað áttu að setja þér stór markmið. Hafðu bara í huga að hafa þau raunhæf og gefðu þér tíma til að ná þeim. Ef markmið eru of stór eða óraunhæf getur það orðið til þess að við frestum eða verðum vonsvikin með sjálf okkur. Ef markmiðið er stórt, skiptu því þá niður í minni markmið, t.d í stað þess að segja “ég ætla aldrei aftur að drekka gos” segðu frekar “ég ætla að hætta að drekka gos á öllum dögum nema laugardögum”.

 

3. Skrifaðu markmiðin niður á hvetjandi hátt

Fyrir sum okkar gæti það haft neikvæð áhrif að setja sér markmiðið “ég ætla að sleppa sykri í 14 daga áskorun” á meðan fyrir aðra gæti það verið jákvætt. Þegar þú skrifar markmið þín og segir frá þeim, hafðu þau með jákvæðum skilaboðum. Í dæminu að ofan gætir þú jafnvel viljað íhuga markmiðið “mig langar að borða hreina og holla fæðu í 14 daga” eða “ég set mig í forgang og ætla að borða fæðu sem nærir mig og gefur mér orku í 14 daga”.

 

4. Minntu þig reglulega á markmiðin þín og af hverju þú ert að vinna eftir þeim

Ástæða þess að mörg okkar byrja vel í upphafi en missa svo dampinn er sá að við einfaldlega höfum gleymt af hverju við settum markmiðin.  Þegar við viljum venja líkaman við nýja rútínu eins og að fara í ræktina verðum við að minna okkur stöðugt á það og setja það ef til vill í dagatalið svo við gleymum því ekki.

 

5. Leitaðu stuðnings við að ná markmiðum þínum

Rannsókn sem gerð var við Háskóla í Hollandi sýnir að þeir sem hafa gott félagsnet og stuðning eru allt að 80% líklegri til þess að ná varanlegum árangri. Segðu fjölskyldunni, samstarfsaðilum og vinum frá markmiðum þínum og biddu um stuðning þeirra, þau gætu jafnvel vilja vera með þér! Fáðu stuðninginn til að byrja árið orkumeiri, léttari og með heilsuna í forgangi með  “14 daga sykurlausu áskoruninni” gegn ókeypis skráningu hér  og segðu öllum vinum þínum að vera með!

Skrifaðu svo markmiðin niður hjá þegar þegar við byrjum mánudaginn 28.janúar – með því að skrifa niður og fá stuðning getur þú verið viss um að þetta ár byrji vel! 😉

Markmið áskorunarinnar er að hver og einn taki sykurleysið eins langt og þau treysta sér til, hvort það sé með því að sleppa sykri alveg eða bæta við einni uppskrift á dag frá mér sem vinnur á sykurlöngununni. Ég er alveg viss um að þú getur þetta!

Hver eru heilsumarkmið þín? Deildu í athugasemdum hér að neðan.

Sjáumst svo í ókeypis 14 daga sykurlausu áskoruninni, sjá allar nánari upplýsingar um hana hér.

 

 

Heilsa og hamingja

jmsignature

2 Comments

  1. Álhildur Vilhjálmsdóttir says:

    Heil og sæl
    Ég er búin að skrá mig á sykurlaust fæði í 14 daga
    mín vandræði eru þau að ég er með óþol fyrir hnetum, finnst þær góðar og hnetusmjör mjög gott. en fljótt koma einkenni fram t.d. í munni hvað er til ráða ?

    • Júlía heilsumarkþjálfi says:

      Sæl Álfhildur, gaman að fá þig með í áskorun!

      Þú getur t.d. skipt hnetunum út fyrir möndlur ef þú þolir þær eða einhver fræ sem þér finnst góð. Þú getur einnig skipt hnetusmjörinu út fyrir möndlusmjör eða tahini.

Leave a Reply

Your email address will not be published. Required fields are marked *