Lifðu til Fulls slf. Skilmálar fyrir Frískari og Orkumeiri á 30 dögum námskeið.
Almennt
Lifðu til Fulls áskilur sér rétt til að hætta við pantanir, t.d. vegna rangra verðupplýsinga og einnig að breyta verðum eða hætta að bjóða upp á vörutegundir og/eða þjónustur fyrirvaralaust. Áskilinn er réttur til að staðfesta pantanir símleiðis. Kaupandi skuldbindur sig til að greiða vöruna að fullu. Ef kemur til greiðslufalls þá áskilur Lifðu til Fulls slf. sér rétt til þess að sækja greiðsluna með lögboðnum leiðum.
Afhending vöru
Allar vörur eru afgreiddar samdægurs eða næsta virka dag eftir pöntun.
Aðgangur að persónulegu heimasvæði með öllum kennslugögnum, lokuðum facebook hóp og stuðningi frá Lifðu til fulls teyminu gildir í 5 mánuði frá kaupum.
* Þeir sem kaupa Betri leiðina eiga aðgang sinn ótímabundið, svo lengi sem Lifðu til fulls slf. er í rekstri.
Þú hefur rétt til að falla frá samningi innan 14 daga frá kaupum, aðgnagur að heimasvæði er veittur í tölvupósti við kaup. Frestur til að falla frá samningi rennur út 14 dögum eftir þann dag.
Til þess að nýta réttinn þarft þú að tilkynna okkur ákvörðun þína með ótvíræðri yfirlýsingu t.d. með bréfi, símbréfi eða tölvupósti á netfangið studningur@lifdututilfulls.is. Nota má til þess staðlað eyðublað, eyðublaðið er að finna hér. Ekki er tekið við úrsögnum á samfélagsmiðlum. Til að fresturinn teljist virtur nægir þér að senda tilkynningu um að þú neytir réttar þíns til að falla frá samningi áður en fresturinn rennur út.
Með því að fara inná á heimasvæðið innan 14 daga frá skráningu ertu að afsala þér rétt um að falla frá samningi um endurgreiðslu. Með ánægjuábyrgð okkar veitum við þér rétt á að fara inná heimasvæðið fylgja fyrstu skrefum námskeiðs. Finnur þú ekki fyrir meiri orku og vellíðan á námskeiðinu getur þú fallið frá samningi innan 14 daga með því að sýna fram á úfyllta leiðarvísa frá kennslu 1 ásamt því að prufa a.m.k eina uppskrift og segja okkar hvaða upskrift það var ásamt yfirlýsingu um ástæðu til að falla frá samningi. Lifðu til fulls áskilar sér þann rétt að ákvarða hvort þessum skilyrðum ánægjuábyrgar hafi verið fyllilega fylgt eftir og hvort endurgreiðsla eigi rétt á sér.
Vinsamlega athugið að verð á netinu getur breyst án fyrirvara.
Seljandi heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar verða ekki afhentar þriðja aðila undir neinum kringumstæðum.
Öll gögn og efni gefin í þjálfun eru í eign Lifðu til Fulls slf. og Júlíu Magnúsdóttur heilsumarkþjálfa. Öll gögn sem úthlutuð eru í þjálfun eru einungis fyrir persónulega notkun kaupanda og er með öllu óheimilt að deila gögnum, uppskriftum, og hljóðupptökum sem gefin eru í þjálfun, hvort sem um ræðir í hluta eða heild. Eignaréttur kemur skýrt fram á öllum skjölum sem úthlutað er í þjálfun og fylgja reglur eignaréttar samkvæmt því. Ef kaupandi brýtur á eignarétti flokkast slíkt brot undir þjófnað og viðkomandi afsalar með því rétti sínum í þjálfuninni og verður meinað að taka frekar þátt. Kaupandi er þrátt fyrir það bundin til að greiða þjálfun að fullu.