Nýárs orkuskotið mitt
Jólasmákökurnar mínar
11th December 2019
Svona lítur hreinsunardagur út
7th January 2020
Show all

Nýárs orkuskotið mitt

Deildu á facebook

DSC_9668

Gleðilegt nýtt ár!

Janúar er kominn og engin betri leið að hefja árið en með því að gefa líkamanum orkuskot og fylla hann af vellíðan.

Mér þykir alltaf gott að hefja nýtt ár á smá hreinsun. Þá geri ég græna djúsa fyrir okkur hjónin sem við drekkum yfir daginn og endum svo á léttum kvöldverði.

Grænir drykkir fara svo vel í magann og geta verið sérstaklega vatnslosandi og hreinsandi sem hjálpar gegn uppþembu og bjúgsöfnun. Basísku eiginleikar græna drykksins hjálpa líkamanum einnig að losna við sykurlöngun.

Mig langar að bjóða þér að hefja árið með stæl með uppskrift af uppáhalds hreinsunardrykknum mínum hér að neðan.

DSC_9677

Ég elska myntu og nota hana því óspart í drykkina mína enda er mynta frábær fyrir bætta meltingu og einbeitingu. Það má sjálfsagt nota steinselju í staðinn eða jafnvel bæði fyrir ævintýragjarna en steinselja er talin vera ein helsta fegurðarfæðan.

Bæði mynta og steinselja eru mjög góðar kryddjurtir til að nota í græna djúsa.

DSC_9675

Notið það íslenska græna salat sem fæst hverju sinni í drykkinn.

DSC_9670

Nýárs orkuskot Júlíu 

1 gúrka
2 græn epli
1 sítróna
1 límóna
handfylli spínat eða grænkál
handfylli fersk mynta
engiferbútur

Setjið allt í gegnum safapressu og njótið.

DSC_9657

Ég mæli með og nota safapressu sem kaldpressar því hún varðveitir næringarefni betur og eykur geymsluþol drykkjar. Djúsinn geymist í 3 daga í kæli.

Ég vona innilega að þú prófir djúsinn! Endilega deildu uppskriftinni áfram á facebook taggaðu mig á Instagram ef þú prófar.

Viltu gera 2020 að þínu heilsuári?

Frískari og orkumeiri á 30 dögum námskeiðið inniheldur allt sem þú þarft til að segja skilið við sykurpúkann fyrir fullt og allt og öðlast varanlega orku. Fylgt er eftir 30 daga bragðgóðum matseðli sem er sérsniðinn að annríku líferni og losar sykur úr líkamanum.

Námskeiðið er kjörið fyrir þig ef þú vilt taka breyttan lífsstíl alla leið en upplifir skipulagsleysi og óöryggi með hvar og hvernig þú átt að byrja. Því miður er lokað fyrir skráningar eins og er en þú getur skráð þig á biðlista HÉR og fengið póst um leið og við opnum fyrir næsta hóp!

Heilsa og hamingja,
jmsignature

Leave a Reply

Your email address will not be published. Required fields are marked *