Acai skálin
16th maí 2017
Ferðalag mitt til Evrópu og Asíu!
29th maí 2017
–
Jógúrtgerð hér á bæ hefst yfirleitt á sunnudagseftirmiðdögum.
Þetta tekur mig ekki nema 5 mín þar sem öllu er skellt í blandara og geymist í 5 krukkum út vikuna.
Þetta grípur kallinn minn svo með sér á virkum dögum sem morgunmat. Jógúrtin eru því fullkomin fyrir fólk sem á annríkt og vill geta gripið eitthvað fljótlegt með sér í morgunmat eða milli mála.
Ég breyti reglulega til í jógúrtgerðinni en um þessar mundir er kókosjógúrt með jarðaberjum og banana það sem hefur slegið verulega í gegn! Þú verður að prófa þetta!
–
–
Jógúrtin fara sérlega vel í magan enda eru þau rík af hollri fitu frá kókosmjólk, góðum trefjum frá chia fræum sem efla meltingu og gefa kraft fyrir daginn. En nafnið chia merkið styrkur sem lýsir fræunum vel.
Ég legg chia fræ í bleyti kvöldið áður en ég geri jógúrtin en stundum hef ég gleymt og þá læt ég þau liggja í bleyti í 10 mín c.a.
–
–
Kókosjógúrt með jarðaberjum og banana
Bananajógúrtið
2 dósir kókosmjólk (ég nota frá Coop, sem fæst í Nettó)
2 banani
1 krukka chia fræ útbleytt (c.a 1/4 bolli chia fræ og 3/4 vatn)
8 msk hamp fræ
6 dropar stevia með vanillubragði
(ég nota stevia frá via health)
Jarðaberjakrem
1 dós kókosmjólk (ég nota frá Coop, sem fæst í Nettó)
1 300 gr poki frosin lífrænt jarðaber (látin þiðna)
1 msk hrár kókospálmanektar/hlynsíróp
6-8 dropar stevia venjulegt eða með jarðaberjabragði
örlítið salt
Klst áður en uppskriftin er gerð eða daginn áður:
Leggið chia fræ í bleyti og geymið í kæli eða gert 10 mín áður.
Takið jarðaber úr frysti og látið pokan þiðna í skál í kæli.
–
1. Setjið öll hráefni fyrir kókosjógúrtið í blandara fyrir utan chia fræ og hrærið þar til silkimjúkt. Bætið við chia fræum rétt undir lok og hrærið saman rétt svo chia fræin blandast samanvið. Það er fallegast ef chia fræin fá að vera heil en ekki alveg blönduð saman.
2. Hellið jógúrtinu í krukkur. Ég fyllti fimm 500 gr krukkur að 3/4 (krukkurnar endurnýtti ég undan kókosolíu). Skolið blandarakönnuna.
3. Setjið allt í jarðaberjakremið í blandara og hrærið þar til silkimjúkt. Mikilvægt er að jarðaberin séu búin að þiðna fyrir bestu útkomu. Salt magnið eru c.a einn klípa og mikilvægt að hafa með fyrir endaútkomu jógúrts.
4. Hellið kremi í krukkurnar og fyllið þær. Geymið í kæli og að morgni má borða með skeið eða hræra saman og drekka sem þykkt og gott jógúrt. Einnig má setja í skál og skreyta með berjum
–
Ég vona að þú prófir, því þetta er svo einfalt! Ég breyti reglulega til og getur þú séð fleiri gómsætar útgáfur af jógúrtum sem ég geri í Lifðu til fulls bókinni.
Láttu vita í spjallið að neðan ef þú prófar og hvernig smakkast! Endilega deilið á samfélagsmiðlum:)
–
–
14 Comments
Þetta ætla ég aldeilis að prufa.
En verður útkoman eins ef ég nota light kókosmjólk?
Bkv
Unnur
Ég mæli með að nota fullfeita en hitt virkar líka:)
Hvaða sort af kókósmjólk notar þú?
Sæl! Ég nota yfirleitt Coop Anglamark úr Nettó:)
Ég geri þetta jógúrt mjög oft en set chia fræin ekki í bleyti heldur beint útí jógúrtina. Þau draga í sig bleytu úr kókosmjólkinni og gera hana þykka og ég borða hana með skeið
Get eg notað eitthvað í staðin fyrir stevíu? Mér finnst svo hræðilegt bragð af henni!
Sæl Gugga, það er til stevia með allskonar bragðtegundum frá Via-Health:) Annars er hægt að skipta út fyrir aðra sætu eins og sjá má hér -> https://lifdutilfulls.is/7-hlutir-til-ad-nota-i-stadinn-fyrir-sykur/
Ég tíndi mikið af aðalberjum síðasta haust og hef notað þau í búst. Það, sem mér finnst best í búst er: 2 dl aðalber, 1 banani, 2 msk jarðaberjaskyr, 1 dl laktósafrí mjólk , 1 msk ciafræ, vatn eftir þörfum. Villekki hafa þetta mjög þykkt. Sniðugt að setja kókosmjólkina, hef ekki prófað en ætla að gera það.
Ég var að prófa þett áðan! Og NAMMMMM!!! Svakalega er þetta gott 🙂 ég breytti smá og setti aðeins minna af kókosmjólk í jarðarberjakremið og svo setti ég bláber ofan á 😛
Notar þú aðeins þykka hlutann af kókosmjólkinni eða allt úr dósinni ? Ætla að prófa um helgina 🙂
Sæl Auður! Ég nota alla dósina:)
Frábært að fá tillögur af morgunmat, var að mauka saman frosin bláber og banana, setti það í krukkur og í frysti, ætlaði svo að taka með mér í ferðalagið. Bæti síðan granóla morgunkorni án viðbættu sykur ofan á ásamt jarðarberjum og trönuberjum, fattaði ekki að búa til jógúrt úr kókósmjólk, nú er ég fróðari um það, takk takk.
1 krukka chia fræ, er ekki viss hvaða mælieining það er?
Krukkan ætti að vera c.a 1/4 bolli chia fræ og 3/4 vatn og það ætti að fara í eina krukku:)