5 ráð til að efla meltingu og brennslu á 48 klst

5 ráð til að efla meltingu og brennslu á 48 klst

DSC_5117
Bilað góðir blómkálsvængir með ranch-sósu!
17th July 2018
DSC_5673
5 óvæntar fæðutegundir sem losa þig við bólgur og bjúg
14th August 2018
Sýna allt

5 ráð til að efla meltingu og brennslu á 48 klst

DSC_5739
Deildu á facebook

melting

melting

Meltingarvandamál, hægðatregða og uppþemba eru oft hvimleiðir fylgifiskar sumarsins! Því deili ég með þér í dag 5 góðum ráðum til að efla meltinguna og brennsluna eftir fríið.

Slæm melting og bólgur (innflammations) orsakast oft vegna röskunar á rútínu okkar og mataræði.  Slíkt á til að hægja á brennslunni og starfsemi allra líffæra sem getur valdið sýkingum, þyngdarstöðnun, orkuleysi og ýmsum kvillum.

Grunnstoð heilsunnar er heilbrigð melting. Meltingin spilar lykilhlutverk í að líffærastarfsemi okkar sé virk og að líkaminn vinni rétt úr fæðunni. Meltingarflóran spilar einnig stórt hlutverk í styrkingu ónæmiskerfisins þar sem það býr að stórum hluta í meltingarfærunum. Tenging er á milli meltingarflórunnar og heilastarfsemi okkar og því slæm melting oft afleiðing andlegrar depurðar eða öfugt.

Með því að efla meltinguna stuðlum við að meiri orku, virkari brennslu og bættri andlegri líðan. Hér eru 5 ráð til að efla meltinguna náttúrulega!

 

melting

 

Elskaðu góðu bakteríurnar

Þarmaflóran þarfnast góðra meltingargerla fyrir virka starfsemi. Mitt helsta ráð þegar kemur að meltingagerlum er að gefa líkamanum fjölbreytt úrval gerla fyrir sem bestan árangur. Mér finnst gott að rótera eftir tegundum gerla sem ég nota hverju sinni og oft á ég til 2-3 mismunandi tegundir gerla heima sem ég skipti á milli daga. Góðar bakteríur finnast einnig í ýmsum fæðum eins og sýrðu grænmeti, gerjuðum jógúrtum og kombucha drykkjum. Gott er að neyta þessara fæðutegunda allt að þrisvar í viku eða oftar.

 

melting

 

Skiptu út bólgumyndandi fitum og olíum

Holl fita skiptir gríðarlegu máli fyrir virka meltingarstarfsemi þar sem hún hjálpar til við upptöku og geymslu næringarefna. Holl fita heldur einnig heilastarfsemi og brennslu í lagi og getur dregið úr bólgum í meltingarfærum. Það er liðin tíð að telja að hollar fitur stuðli að þyngdaraukningu enda hefur verið sannað að þær geta þvert á móti stuðlað að þyngdartapi sem og almennri vellíðan. Mikilvægt er þó að velja réttu olíurnar. Olíur frá soja, maís og dýraafurðum geta verið erfiðar fyrir meltinguna. Skiptið þeim út fyrir kaldpressaðar olíur, eða með því að borða fisk, hemp- og hörfræ, kókos-, avókadó- og ólífuolíur. Fæðutegundir sem eru sérstaklega ríkar af hollri fitu eins og hnetur, möndlur, fiskur, kókos og fræ, hjálpa einnig við að efla meltingu og brennslu.

 

melting

 

Minnkaðu sykurinn

Aldrei er góð vísa of oft kveðin! Hvítur sykur getur myndað meltingarkvilla og bólgur í meltingarvegi. Minnkaðu sykur í mataræðinu með því að skipta út sykruðum drykkjum fyrir sódavatn eða vatn. Temdu þér að lesa á innihaldslýsingar svo þú sért ekki að innbyrða sykur að óþörfu og forðastu að kaupa sykraðar mjólkurvörur eða aðrar vörur sem innihalda viðbættan sykur. Veldu frekar náttúrulega sætugjafa eins og döðlur, stevíu, hlynsíróp, hunang eða kókospálmanektar sem fara mun betur í meltinguna.

 

Svitnaðu streituna burtu

Streita hefur bein tengsl við upptöku næringarefna og meltingu. Því er mikilvægt að halda streitu í skrefjum fyrir heilbrigða meltingu. Hreyfing er tilvalin þar sem hún dreifir huganum og kemur okkur aftur niður á jörðina. Rannsóknir hafa sýnt mikilvægi þess að hafa jafnvægi á æfingunum enda getur of áköf líkamsþjálfun haft skaðleg áhrif, t.d. á nýrnahetturnar, hægt á brennslunni og valdið streitu. Hugaðu því að jóga, göngum eða öðrum rólegri æfingum samhliða ákafari æfingum sem hækka púlsinn.
melting

 

Hreinsaðu líkamann

Meltingarvegurinn fyllist af eiturefnum eftir óheilbrigt líferni, slæmt mataræði, streitu, áföll eða sýklalyf.  Hreinsun með fæðu getur því verið mjög áhrifarík og góð, en ef hún er ekki gerð rétt eða í hófi geta áhrifin verið skaðleg. Það er mikilvægt að fara rétt að og fylgja góðri hreinsunaráætlun. Sem heilsumarkþjálfi mæli ég alltaf með að hefja stutta hreinsun til að losna við löngun í sykur og óhollustu, koma meltingunni af stað, auka orkuna og undirbúa líkamann þeirra fyrir lífsstílsbreytingu!

 

Ég mun fara dýpra í hvernig á að hreinsa með fæðu og gefa einfalt próf sem sýnir hvort þú þurfir virkilega á hreinsun að halda í ÓKEYPIS fyrirlestrinum 22.ágúst. Skráning verður takmörkuð og hefst næstkomandi þriðjudag hér á heimasíðu Lifðu til Fulls! Fylgist með!

Til að koma þér af stað í hreinsandi mataræðinu er gott að huga að því að bæta við góðum trefjum, t.d. frá chia- og hörfræjum, döðlum og þurrkuðum ávöxtum.

Ég vona að ráðin komi sér vel!

Segðu mér endilega frá hér í spjallið að neðan, hvaða ráð höfðar helst til þín og ef það eru einhverjar fleiri spurningar um meltinguna eða breytt mataræði!

Hlakka til að heyra frá þér!

 

melting

 

Haustið er sannarlega tíminn til að öðlast meiri orku, léttari líkama og hefja breyttan lífsstíl – ég deili með þér 5 skrefum sem tryggja þér árangur sem endist í ókeypis fyrirlestrinum miðvikudaginn 22.ágúst!

Skrefin sem ég deili hafa gert mér kleift að vera orkumikil, hraust, að koma jafnvægi á skjaldkirtilinn og losna við liðverki! Síðustu 5 árin hef ég síðan hjálpað yfir 500 manns að gera hið sama í Nýtt líf og Ný þú þjálfun!

Skráning á fyrirlesturinn hefst eftir viku hér á heimasíðu Lifðu til Fulls (það er alveg ókeypis en takmarðir sem komast að!)

Heilsa og hamingja,
jmsignature

print

Skráðu þig fyrir vikuleg hollráð að aukinni orku - það er ókeypis!

Fáðu strax „Sektarlaus sætindi fyrir mjórra mitti” rafbók!

Skildu eftir athugasemd

Netfang þitt verður ekki birt. Nauðsynlegt að fylla út reiti merkta *

Pin It on Pinterest

Share This