Kókoshnetan
12th March 2013
Hráfæðis ostakaka með sítrónu og hindberjum
25th March 2013Kókoshnetan
12th March 2013Hráfæðis ostakaka með sítrónu og hindberjum
25th March 2013
Hlaupabrettið getur verið frábær hreyfing fyrir suma; en fyrir aðra getur það verið einhæft og leiðinlegt!
Vinkona mín lýsti sérstaklega fyrir mér hvað henni finnst hrikalega leiðinlegt að fara á hlaupabrettið og sagði hún mér frá því hvað einkaþjálfinn hennar lætur hana gera þess í stað.
Þjálfarinn hennar slekkur á hlaupabrettinu og lætur hana færa beltið áfram með fótunum í 80 skref.
Í fyrstu virtist þessi áskorun ekkert mál en áður en hún vissi af var hjartsláttur hennar fokinn upp og hún orðin kósveitt.
Að draga hlaupabrettið áfram er kannski ekki eitthvað sem þú gerir í langan tíma en getur verið frábær leið til þess að brjótast úr venjulegri rútínu
Í næsta skipti sem þú ert á hlaupabrettinu, prófaðu að draga beltið áfram og sjáðu hvort þú náir upp í 80 skref!
Hjartsláttur þinn mun eflaust slá sem aldrei fyrr og fitan mun ekki eiga kost á því að halda sér föstu taki lengur!
Hollráð fyrir aukna brennslu á líkamsræktarstöð:
- Ef þú hefur tímann í það, stökktu á brettið eða annað æfingartæki á milli lyftingaræfinga og taktu stutta syrpu.
- Ekki borða of lítið áður en þú ferð að æfa: Þegar þú borðar of lítið
ert þú orkuminni og ert gjarnari á að gefast upp og hætta fyrr. Einnig býðuru hættunni heim og brennir jafnvel vöðvum í stað þess að byggja þá upp! Borðaðu fæðu sem gefur hámarksorku áður en þú ferð út! Sjáðu chia graut sem dæmi!
- Hafðu fjölbreytni í æfingunum! Líkami þinn er klár og með því að breyta til í æfingum ert þú að reyna á líkamann á nýjan hátt, þú vilt finna fyrir smá harðsperrum eftir æfingu og finna að líkami þinn tók vel á.
- Drekktu nóg af vatni þegar þú ert að æfa, svo líkami þinn geti átt eðlilega fitubrennslu. Vatn eykur líka flæði líkamans og bætir líðan þína á æfingunni.
Láttu vita í kommentum á heimasíðu Lifðu til Fulls hvort þú ætlir að reyna við þessa æfingu eða ef einhverjar spurningar vakna hjá þér!
Hreint mataræði þarf ekki að vera flókið! Langar þig að læra meira?
Skráðu þig á ókeypis net-fyrirlesturinn minn “3 leiðir til þess að losna við sykurþörfina og öðlast orku náttúrulega”.
Gegn skráningu færðu líka aðgang að spennandi uppskrift sem slær á sykurþörf og ásamt öðrum ráðum sem bætir mataræði þitt til muna!
